Është dorëzuar në Policinë e Lezhës, ish-kryebashkiau Fran Frrokaj.
Frrokaj u dënua këtë të premte me tre vite burg. Ai u shpall fajtor me vendim të formës së prerë nga Gjykata e Apelit në Shkodër për akuzën e “Shpërdorimit të Detyrës” për çështjen e tjetërsimit të pronave në bregdetin e Shëngjinit.
I njëjti dënim u dha dhe për ish-kryetarin e qarkut Gjok Ndoka. Seanca u zhvillua me dyer të mbyllura, ndërsa fajtor u gjetën dhe 16 të akuzuarit e tjerë, por me disa ndryshime nga vendimi i dhënë më herët nga shkalla e parë.
