Qeveria e Maqedonisë së Veriut në seancën e sotme ka miratuar një sërë vendimesh me të cilët synohet dalja në ndihmë për institucionet dhe qytetarët dhe lehtësimi i gjendjes me krizën aktuale enegjetike.
Një sqarim më të detajuar lidhur me vendimet e reja, ka bërë zëvendëskryeministri i parë, Artan Grubi në rrjetin social Facebook.
“Për të mundësur furnizimin e pandërprerë me energji elektrike në kohë të krizës globale energjetike dhe për të zbutur efektin e rritjes së çmimit të energjisë elektrike në bursat botërore, në seancën e sotme të Qeverisë miratuam këto vendime që u mundësojnë këtyre subjekteve furnizimin me energji elektrike nga SHA EMV deri më datë 30 Prill 2023 ose deri në përfundimin e gjendjes së shpallur të krizës:
shkollat fillore dhe të mesme me çmim prej 95 euro për megavat/orë;
shoqatat tregtare që merren me prodhimin dhe konzervimin e mishit të kafshëve dhe shpezëve, përpunimin e qumështit dhe prodhimin e produkteve qumështore me çmim prej 80 eurove për megavat/orë;
ndërmarrjet publike për furnizim me ujë dhe pastrim të ujërave të zeza të cilat shfrytëzojnë stacione me pompa dhe stacione filtruese me çmim prej 95 euro për megavat/orë.
Gjithashtu, për të parandaluar manipulimet e mundshme, miratuam vendim me të cilin ju ndalohet komunave dhe Qytetit të Shkupit të themelojnë ndërmarrje publike dhe shoqata tregtare për veprimtaritë e ndriçimit publik.
https://www.facebook.com/ArtanGrubi/posts/668790807943774
