Grubi zbardh pamjet e objektit të UNT-së në kazermën Ilinden

Zëvendëskryeministri i parë, Artan Grubi në vigjilje të festës së flamurit, ka zbuluar pamjet e projektit në të cilin do të studiojnë studentët e...

“Uji në Dibër ka qenë me pikatore, sot 24 orë”/ Rama: Balta hidhet nga rublaxhinjtë që thelluan plagën në ujësjellës

Kryeministri Edi Rama ka bërë një sqarim të gjatë lidhur me furnizimin me ujë të Dibrës, por edhe akuzat që janë hedhur në drejtim të qeverisë që edhe në vitin 2022 ende flitet për ujin e pijshëm të munguar në shtëpitë e qytetarëve.

 

Rama në një postim në Facebook shkruan se sistemi i ujësjellësve ka qenë një plagë e vjetër që nga komunizmi, më pas me qeverisjen e PD apo me menaxhimin e ujësjellësve nga LSI, duke rënë në një gropë edhe më të thellë për shkak të vjedhjeve dhe lidhjeve të paligjshme.

 

Kryeministri shton më tej se në 2 mandatet e para të tij qeverisëse është investuar shumë që uji të sigurohet 24 orë në të gjithë vendin dhe sot në Dibra nuk ka më mungesa të ujit të pijshëm, në një kohë që është furnizuar gjithmonë ‘me pikatore”

 

Teksa akuzon PD dhe LSI se po ‘hedhin baltë në sytë e shqiptarëve” Rama thekson se PS nuk mund të akuzohet për ‘shërimin dhe kurimin e një plage të trashëguar nga shekujt”.

 

Dy fjalë për ujin në Dibër, që ka ardhur me pikatore, 2 deri 4 orë në ditë, qysh në kohë të komunizmit e këtej mbrapa po e po.

 

Ne nisëm në krye të herës një reformë dhe bëmë një plan investimesh për ujin e pijshëm 24 orë. Mandati i parë ishte dalje nga gropa e thellë e borxheve dhe kusureve të Partisë së Rublave. Investimet për ujin ecën, por me ngadalësi – akoma më ngadalë në bashkitë e rublaxhinjve. Mandatin e dytë u rrit ndjeshëm ritmi edhe falë largimit të ujëthithësve të LSI nga prehri ynë, deri kur erdhën me radhë tërmeti e pandemia, që diktuan përsëri ngadalësim të këtyre investimeve. Puna sidoqoftë vazhdoi pa ndërprerje dhe harta e mbuluar me ujë 24 vazhdoi të zgjerohet.

 

Bashkia Dibër e nisi para disa ditësh furnizimin me 24 orë ujë të 36 mijë abonentëve, ndërkohë që deri në pranverë, do të mbulohet me ujë 24 orë edhe Bashkia Mat, ku furnizimi i ujit të pijshëm qysh në kohë të komunizmit ka qenë 1 deri 2 orë në ditë.

 

Natyrisht që do të kishte qenë mirë të mos e kishim pasur ujin e pijshëm problem për zgjidhje në dekadën e dytë të shekullit 21. Por, sinqerisht, nuk i kuptoj disa që shajnë e mallkojnë me tërbim sa herë flitet e punohet për ujin e pijshëm, a thua se ne po ia presim ujin popullit dhe jo po ia çojmë përditë e më shumë në çezmë, nga Veriu në Jug, falë investimesh masive e një pune të mundimshme plot pengesa!

 

Disa që bëjnë interesantin kundër të gjithëve, thonë mallkuar PS e PD që merren akoma me ujin, kur bota merret me Hënën e me Marsin! Po si qenka njësoj PS, e cila me qeverisjen e saj po e mbyll, hap pas hapi, plagën shekullore të mungesës së ujit të pijshëm, me PD që jo nuk bëri asgjë për ta kuruar këtë plagë të vjetër, po e thelloi atë me rrumpallën e krijuar në sistemin e ujësjellësave dhe stimulimin e vjedhjes masive të ujit përmes lidhjeve të paligjshme(?)! Dhe më falni po çfarë faji kemi ne konkretisht, që e trashëguam një plagë të tillë nga shekujt, apo mos vallë duhet të na vijë turp pse po e kurojmë dhe po e shërojmë hap pas hapi(?)!

 

Disa të tjerë shajnë në tym pse unë ngrita një shëndet me ujë dje në Dibër, jo Enveri, jo komunizmi, jo tërrci-vërrci! Po që të jemi shumë të qartë, e para ujë të pijshëm 24 orë nuk ka pasur në shumë e shumë zona të Shqipërisë, përfshirë edhe Dibrën, as në kohën e Enverit dhe e dyta, kur unë ngre shëndet me ujë as më shkon mendja hiç tek Enveri, se me Enverin i kam mbyllur hesapet i pari fare në këtë vend, kur fola publikisht kundër tij e kërkova lirimin e të burgosurve politikë bashkë me Ardian Klosin, teksa të tjerët, me Hienën Nongrata në krye nuk bëzanin për shokun Enver dhe i quanin të burgosurit politikë “llumi i shoqërisë”.

 

Ka edhe disa që thonë mos u merr me ata që shajnë e mallkojnë. Po në fakt unë s’u mora me ta këtu, po u mora me vetë faktin që tregon ndryshimin e madh mes PS, e cila po realizon hap pas hapi, planin e vonuar me shekuj për Ujin 24 orë dhe Aleancës së Rublave, partira, pëdëra e lirira, kanale e portale, të cilat derdhin përditë në veshët e shqiptarëve ujërat e zeza të urrejtjes së tyre, e hedhin përditë në sytë e shqiptarëve baltën e zezë të ligësisë së tyre.

 

Sa për atë krahasimin me Enverin, gëzuar edhe një herë Dibra! Me Ujë 24 orë”, shkruan Rama në Facebook.

Latest Posts

Deri të mërkurën e hapur mundësia për subvencionimin e pastrimit të oxhaqeve në Shkup

Qytetarët e Shkupit do të mund të aplikojnë deri të mërkurën për të marrë mbështetje financiare deri 1 200 denarë për pastrimin e oxhaqeve...

Grubi zbardh pamjet e objektit të UNT-së në kazermën Ilinden

Zëvendëskryeministri i parë, Artan Grubi në vigjilje të festës së flamurit, ka zbuluar pamjet e projektit në të cilin do të studiojnë studentët e...

Rusia nuk i ndal bombardimet/ Rikthehet energjia elektrike në Kiev

Bombardimet ruse  vijojnë  në ditën e 277. Si pasojë e sulmeve të fundit në një qytet  në Ukrainën qendrore disa shtëpi dhe ndërtesa...