Zëvendëskryeministri i parë, Artan Grubi përmes një njoftimi në rrjetin social Facebook, ka njoftuar opinionin me disa nga projektet kapitale që janë paraparë në Buxhetin e vitit 2023.
Grubi, ka numëruar disa nga mega projektet që përfshijnë fusha të ndryshme, nisur nga infrastruktura, ujësjellësi, investime në arsim, kulturë dhe rekreacion.
“Buxheti për vitin 2023, mes tjerash, parasheh:
250 milionë euro për Korridorin 8 dhe 10-D;
187 milionë euro për autostradën Shkup – Bllacë;
3.5 milionë euro për ta përfunduar Ujësjellësin në komunën e Likovës;
Mjete për projektim të Pallatit të Kulturës në Saraj;
Mjete për shkollën në Rashçe në Saraj të parapara në programin e Ministrisë së Arsimit;
60 milionë denarë për përfundimin e Spitalit të Kërçovës;
Mjete për pishinën dhe sallën sportive “Partizan” në Çair të parapara në programin e Agjencionit për Rini dhe Sport;
145 milionë denarë për Bibliotekën dhe Teatrin në Tetovë.” – ka shkruar Grubi në faqen e tij zyrtare në rrjetin social Facebook.
