Edi Rama: Shqiptarët e Maqedonisë së Veriut janë më mirë se kurdoherë

Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë së cilës u dhanë porosi të qarta mbi bashkëpunimin...

Masoneria e prokurorit Ermon Neziri nën llupën e Këshillit të Etikës

Të hënën do të mbahet votimi për kreun e ri të Prokurorisë për Ndjekjen e Krimit të Organizuar dhe Korrupsionit.

Nëse prokurori shkupjan Ermon Neziri, i cili është edhe kandidat për kryetar të ri të Prokurorisë për Ndjekjen e Krimit të Organizuar dhe Korrupsionit, ka lidhje me të ashtuquajturën Dhoma e Masonëve të Maqedonisë dhe në këtë mënyrë ka rrezik potencial në punën e tij, do të kontrollohet nga Këshilli i Etikës në Prokurorinë Publike.

Pasi morëm një dokument sipas të cilit, dy vite më parë, për të ashtuquajturin Oficeri i Madh, në mesin e disa emrave u gjet dhe emri Ermon Neziri, që përkon me emrin e prokurorit, Kanal 5 kërkoi një opinion nga institucionet kompetente.
Ministria e Drejtësisë bëri me dije se kompetent është Këshilli i Prokurorëve Publikë, nga ku na udhëzuan që të gjitha informatat t’ia dorëzojnë Këshillit të Etikës, i cili ka edhe përfaqësues nga Këshilli i Prokurorëve Publikë.

“Pretendimet duhet të shqyrtohen dhe Këshilli i Etikës duhet të japë mendimin e tij, të cilin ia dorëzon prokurorit publik të prokurorisë publike kompetente në të cilën prokurori publik kryen funksionin, si dhe prokurorit të lartë publik. Mendimi mund të jetë nëse është shkelur apo jo Kodi i Etikës”, thonë nga Këshilli i Prokurorëve Publikë.

Sipas informacioneve, kjo do të ndodhte gjatë javës së ardhshme, duke qenë se nëse vërtetohet se dokumenti është autentik dhe vërtetohet se bëhet fjalë për prokurorin, hapet pyetja nëse anëtarësimi në një organizatë sekrete është në përputhje me normat ligjore dhe etike.
Dje në një pyetje nga Kanal 5, prokurori Neziri pohoi se ndoshta bëhet fjalë për një dokument të falsifikuar për të cilin dyshon se ka ardhur nga, siç tha ai, disa grupe interesi.

Meqë ra fjala, ishte pikërisht ky rasti i anëtarësimit në një dhomë masonike që çoi në dorëheqjen e kryeprokurorit publik kroat dy vite më parë.

Kodi i etikës së prokurorëve publik u miratua vitin e kaluar.

Ai parashikon, ndër të tjera, se:

“Prokurorët publikë brenda orarit të punës dhe jashtë tij, duhet të sillen në atë mënyrë që të mos vënë në dyshim dinjitetin dhe reputacionin e prokurorisë publike, të përmbahen nga kryerja e veprimtarive që do të ishin në kundërshtim me detyrat zyrtare ose që mund të zvogëlojnë reputacionin e tyre shoqëror dhe reputacionin e prokurorisë publike”.

Të hënën do të mbahet votimi për kreun e ri të Prokurorisë për Ndjekjen e Krimit të Organizuar dhe Korrupsionit. Rreth 160 prokurorë në vend me zgjedhje të drejtpërdrejta do të votojnë për njërin nga katër kandidatët, Islam Abazi, Ermon Neziri, Desa Paunovska dhe Vilma Ruskovska.

Latest Posts

Akademi solemne për Ditën e Flamurit nesër në Shkup

Me rastin e 28 Nëntorit – Ditës së Flamurit, nesër në Shkup organizohet Akademi solemne. Me këtë rast, nën patronatin e Ali Ahmetit – Kryetar...

Kremlini mbron aleancën e sigurisë të udhëhequr nga Rusia

Zëdhënësi i Kremlinit, Dmitry Peskov tha të dielën se përpjekjet për të shkatërruar një aleancë sigurie të udhëhequr nga Rusia kanë ekzistuar gjithmonë dhe...

Edi Rama: Shqiptarët e Maqedonisë së Veriut janë më mirë se kurdoherë

Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë së cilës u dhanë porosi të qarta mbi bashkëpunimin...