Eskobar: Qeveria e Maqedonisë së Veriut është një partner i mirë në zbatimin e agjendës së integrimit evropian të vendit

Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë...

Ministrja Haxhiu: Do të donim të kishim drejtësi për Astrit Deharin, por fatkeqësisht nuk kemi


Haxhiu: Do të donim të kishim drejtësi për Astrit Deharin, por fatkeqësisht nuk kemi.

Ministrja e Drejtësisë, Albulena Haxhiu, me rastin e 6-vjetorit të vdekjes së aktivistit të Vetëvendosjes, Astrit Dehari, ka bërë homazhe te varri i të ndjerit.

Haxhiu tha se Dehari ishte një aktivist shembullor që dha gjithçka që Kosova të jetë vend i jetueshëm.

Ajo shtoi se fatkeqësisht nuk ka ende drejtësi për Deharin.

“Do të donim të kishim drejtësi për Astritit por fatkeqësisht nuk e kemi, këtu e mban përgjegjësinë prokuroria, sepse është përgjegjëse për hetimin e zbardhjes së rrethanave që kanë sjellë te vdekja e tij. Ishte marrë në paraburgim duke ia veshur një vepër që nuk e ka bërë, dhe nuk doli nga aty i gjallë”, ka thënë Haxhiu.

Ajo tha se si ministre e Drejtësisë, si aktiviste, si qytetare konsideron se prokuroria duhet të bëjë punën si duhet dhe të mos ketë vonesa.

Sipas saj, nëse ka neglizhenca me lëndën e Deharit, të ndërrohet prokurori i rastit.

“Ka një neglizhencë të theksuar nga ana e prokurorit special, ai nuk flet për rastin, nuk flet për veprimet që i ka ndërmarrë dhe thjesht e injoron çdo kërkesë që e ka familja apo edhe avokati mbrojtës. Thërras që në qoftë se ka neglizhencë të kësaj lënde të ndërrohet prokurori i rastit ose të formohet një ekip prokurorësh për zbardhjen sa më të shpejt të rastit”, ka shtuar ajo.

Ndërkaq, shefja e grupit parlamentar të Vetëvendosjes, Mimoza Kusari-Lila, kërkoi që të zbardhen të gjitha rrethanat që dërguan në vrasjen e Deharit dhe përgjegjësit të ballafaqohen me ligjin.

Latest Posts

BE i bën presion Serbisë për sanksionet kundër Rusisë

Presioni i Bashkimit Evropian ndaj Serbisë është duke u rritur, për shkak të refuzimit të Beogradit për t’i mbështetur sanksionet ndaj Rusisë, thonë diplomatë evropianë. Nga...

Macron: Perëndimi duhet të shqyrtojë kërkesat e Rusisë për sigurinë, nëse Moska pranon të negociojë

Presidenti francez Emmanuel Macron thotë se Perëndimi duhet të shqyrtojë nevojën e Rusisë për garanci sigurie nëse Presidenti Vladimir Putin pranon të ulet në...