Drejtorët që nuk i kanë paguar faturat e energjisë do të japin llogari në qeveri

Shkup, 6 Dhjetor – Kryeministri Dimitar Kovaçevski të hënën deklaroi se për disa nga institucionet që kanë borxhe të energjisë elektrike ka faktorë të...

Nga 14 deri më 22 nëntor, edicioni i katërt i “Ditëve të Alfabetit”

Instituti i Trashëgimisë Shpirtërore e Kulturore të Shqiptarëve – Shkup, sivjet për të katërtin vit me radhë do të organizojë manifestimin kulturor – shkencor “Ditët e Alfabetit”, me sesione shkencore, promovime librash e ekspozitash me mjaft interes.

Siç bëjnë të ditur nga ITSHKSH-ja, tema qendrore e edicionit të sivjetmë është “Studimet albanologjike në gjuhën gjermane”, ku një sërë studiuesish të njohur të studimeve albanologjike, do të shtjellojnë temat e tyre prej 14 e deri më 22 nëntor 2022 në ITShKSh – Shkup.

Kështu, në ditën e parë të hapjes së edicionit më 14 nëntor 2022 prej ora 11, përpos fjalëve përshëndetëse, do të bëhet promovimi i pullës postale kushtuar 50-vjetorit të Kongresit të Drejtshkrimit të Gjuhës Shqipe, si dhe promovimi i botimit “Ditët e Alfabetit” – III.

“Më 15, 16 dhe 17 nëntor, temat e tyre të larmishme mbi studimet albanologjike në gjuhën gjermane do t’i shtjellojnë studiuesit e njohur nga mbarë hapësira kombëtare shqiptare, si: Anila Omari, Albert Riska, Teuta Arifi, Qemal Murati, Elda Gjana, Anton N. Berisha, Xhafer Beqiraj, Vilson Marku, Izer Maksuti, Ylber Sela, Mimoza Kore, Besnik Rameti, Emin Azemi, Sali Islami e të tjerë”, bëhet e ditur në kumtesën e ITSHKSH-së.

Më 21 nëntor prej ora 11, do të bëhet promovimi i librit të autorit Agim Vinca: “Saga e shkronjave shqipe (Kongresi i Manastirit: të thëna dhe të pathëna)”.

“Më 22 nëntor 2022, prej ora 10 do të mbahet akademia solemne, ekspozita “50 vjet drejtshkrim”, në bashkëpunim me Drejtorinë e Përgjithshme të Arkivave të Shqipërisë, si dhe promovimi i librit të autorit Xhevat Lloshi: ‘E duam drejtshkrimin si gjithë Evropa’ .Po këtë ditë, do të mbahet edhe sesioni shkencor: ‘Një komb – një gjuhë’, një organizim i përbashkët mes ITShKSh-së, Akademisë së Studimeve Albanologjike të Shqipërisë dhe Institutit Albanologjik të Kosovës”, njoftojnë nga ITSHKSH.

Latest Posts

50 vjetori i misionit të fundit me astronautë drejt Hënës, Apollo 17

Kapsula Orion e NASA-s po rrotullohet në orbitën e Hënës këtë javë, duke përgatitur kështu rikthimin e misioneve me ekuipazh në sipërfaqen e Hënës....

Portugalia “tenis” me Zvicrën/ Luzitanët mposhtën 6 me 1 helvetët

Portugalia luan pingpong me Zvicren duke fituar me rezultatin e thelle 6 me 1.Skuadra helvete zhvilloi nje ndeshje shume te dobet dhe pa...

Seanca e 106-të e Qeverisë, Grubi: Miratuam donacion për Ukrainën dhe përmirësojmë kushtet e punës për personat me aftësi të kufizuara

Qeveria e Maqedonisë së Veriut ka mbajtur seancën e 106-të në të cilën janë miratuar disa vendime. Zëvendëskryeministri i parë, Artan Grubi ka njoftuar opinionin...