Eskobar: Qeveria e Maqedonisë së Veriut është një partner i mirë në zbatimin e agjendës së integrimit evropian të vendit

Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë...

Për shtatë ditë u dhanë mbi 5 mijë vaksina kundër gripit sezonal në Prishtinë


Rendi i qytetarëve të cilët presin për t’u vaksinuar kundër gripit sezonal në Qendrën Kryesore të Mjekësisë Familjare në Prishtinë, është reduktuar shumë.

Kjo për shkak se nga ky vit, vaksinimi mund të bëhet edhe në qendra tjera.

Bujar Gashi, drejtori i Qendrës Kryesore të Mjekësisë Familjare në Prishtinë, ka thënë për “Ju Flet Prishtina” se këtë vit vaksinat kanë ardhur në kohën e duhur.

“Këtë vit u bo vaksinimi afër lagjeve të tyre, tani i kemi në 13 institucione dhe është mirëpritur nga qytetarët sepse tashmë mund t’i marrin në lagjet e tyre”, ka thënë Gashi.

Për marrjen e kësaj kure prishtinasit shfaqën interesim të madh që nga ditët e para, derisa janë planifikuar të jepen 11 mijë vaksina.

Drejtori i QKMF-së në Prishtinë tha më tej se për 7 ditë janë administruar 5700 vaksina.

“Ne planifikojmë 11 mijë vaksina, por mundësia me u furnziu edhe më shumë e kemi derën hapur në Institut. Tash jemi në ditën e 8 dhe për shtat ditë janë dhënë 5700 vaksina dhe kemi një përgjigje të mirë të qytetarëve të kryeqytetit”, u shpreh ai.

Këtë lloj të vaksinës, përveç moshave të shtyra, mund të marrin edhe ata të cilët kanë imunitet më të dobët, por me rekomandimin e mjekut.

Naim Sveçla, specialist i mjekësisë familjare, ka thënë për JFP se vaksina është e domosdoshme, sidomos për grupmoshat e shtyra, mbi 60 vjeç, dhe ata me probleme kronike si tensioni, çrregullime me metabolizëm, veshkë e mushkri.

Sipas mjekëve, gjasat që këta qytetarë të preken nga gripet sezonale pas vaksinimit janë të vogla.

“Kjo qëndron se nëse këta pacientë e marrin këtë vaksinë të gripit, e kalojnë atë më lehtë pothuajse nuk vërejnë simptoma dhe mbi 90% nuk sëmuren nga gripi sezonal”, tha më tej Sveçla, raporton Klan Kosova.

Shefqet Bytyqi thotë se pas marrjes së kësaj kure nuk ka ndonjë problem shëndetësor gjatë stinës së dimrit sa i përket gripave sezonale.

Sipas mjekëve, vaksinimi më së miri është të bëhet brenda muajit nëntor deri në gjysmën e dhjetorit para ndryshimit të temperaturave të motit dhe shfaqjes së viruseve.

Latest Posts

BE i bën presion Serbisë për sanksionet kundër Rusisë

Presioni i Bashkimit Evropian ndaj Serbisë është duke u rritur, për shkak të refuzimit të Beogradit për t’i mbështetur sanksionet ndaj Rusisë, thonë diplomatë evropianë. Nga...

Macron: Perëndimi duhet të shqyrtojë kërkesat e Rusisë për sigurinë, nëse Moska pranon të negociojë

Presidenti francez Emmanuel Macron thotë se Perëndimi duhet të shqyrtojë nevojën e Rusisë për garanci sigurie nëse Presidenti Vladimir Putin pranon të ulet në...