Eskobar: Qeveria e Maqedonisë së Veriut është një partner i mirë në zbatimin e agjendës së integrimit evropian të vendit

Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë...

8658 vite burg për Adnan Oktar!

Stili idiosinkratik i kultit mohues të evolucionit të Oktarit u përshkrua si një “version i Islamit i Disney-t i seksuar” nga antropologu Daniel Martin Varisco

 

Një udhëheqës kulti i akuzuar për detyrimin e skllaveve të seksit që t’i nënshtroheshin operacioneve estetike pa anestezi është dënuar me 8658 vjet burg. Televangjelisti turk Adnan Oktar, 66 vjeç, u burgos vitin e kaluar me një sërë akuzash që varionin nga abuzimi seksual i të miturve deri te mashtrimi, si dhe tentativa për spiunazh politik dhe ushtarak. Ai vendim u rrëzua përfundimisht, por në një rigjykim ditën e djeshme më 16 Nëntor,  Oktarit iu dha një dënim prej 8,658 vjet burg, një rritje tetë fish në krahasim me dënimin e tij fillestar. Katërmbëdhjetë nga bashkëpunëtorët e tij të ngushtë u dënuan gjithashtu me dënime të gjata. Oktar u bë i famshëm në fund të emisionit që ai drejtonte në kanalin e tij televiziv A9, i cili përziente debatet fetare islame me rrëmujën apokaliptike dhe modelet tërheqëse të veshura me grim ekzotik, paruke dhe fustane të stilit të robërisë. Gratë e lidhura me të njiheshin si “kotele” dhe kulti i tij krenohej me rreth 160 anëtarë.

Stili idiosinkratik i kultit mohues të evolucionit të Oktarit u përshkrua si një “version i Islamit i Disney-t i seksuar” nga antropologu Daniel Martin Varisco.

Edhe pse kotelet ishin mbështetëse të lëvizjes së tij, shumë që u larguan thanë se ishin subjekt i abuzimit seksual. Seda Isildar, e cila u largua nga ky kult, ka thënë më parë për Sunday Times se si u josh në kult dhe u detyrua t’i nënshtrohej një ndërhyrjeje në hundë pa asnjë lehtësim dhimbjeje. Ajo tha: “Ishte e tmerrshme. E tmerrshme. Ende e mbaj mend çekiçin. Po numëroja sa herë më goditnin çekiçin dhe daltën në hundë”. Isildar pohoi se ishte ende në shkollë kur u prezantua me Oktarin dhe se ishte detyruar të martohej me të. Një tjetër grua dëshmoi më parë në gjyq se Oktar e kishte sulmuar seksualisht atë dhe të tjerat. Ajo tha gjithashtu se ishin të detyruar të merrnin pilula kontraceptive. Policia gjeti 69.000 pilula kontraceptive në shtëpinë e tij, të cilat ai tha se përdoreshin për të trajtuar çrregullimet e lëkurës dhe problemet menstruale.

Ceylan Ozgul, një tjetër e arratisur nga abuzimi seksual i Oktarit, shpjegoi më parë se si njerëzit indoktrinoheshin në kult. Ajo tha për Sunday Times: “Kjo nuk ndodhi brenda natës. Ndodhi për më shumë se një vit. Edhe gjërat më koti filluan të kenë kuptim papritmas pas një viti, sepse mendon se është normale, të gjithë rreth teje po e bëjnë këtë”. Ugur Sahin pretendoi se ishte adoleshent kur dëgjoi për herë të parë për Oktarin dhe shpejt e gjeti veten si një nga “luanët” e tij që rekrutonte gra në kult. Ai tha se detyra e tij ishte që t’i joshte ata dhe ngadalë t’u heqë nga pavarësia e tyre derisa të mund të manipuloheshin në skllave seksi. Sahin llogariti se ai solli rreth 200 gra në kult. Oktar ishte deklaruar i pafajshëm dhe këmbënguli se akuza se ai drejtonte një kult seksi ishte një “legjendë urbane”.

Latest Posts

BE i bën presion Serbisë për sanksionet kundër Rusisë

Presioni i Bashkimit Evropian ndaj Serbisë është duke u rritur, për shkak të refuzimit të Beogradit për t’i mbështetur sanksionet ndaj Rusisë, thonë diplomatë evropianë. Nga...

Macron: Perëndimi duhet të shqyrtojë kërkesat e Rusisë për sigurinë, nëse Moska pranon të negociojë

Presidenti francez Emmanuel Macron thotë se Perëndimi duhet të shqyrtojë nevojën e Rusisë për garanci sigurie nëse Presidenti Vladimir Putin pranon të ulet në...