Kreu i komunës së Pejës, Gazmend Muhaxheri përmes një postimi në llogarinë e tij në Facebook, ka folur në lidhje me situatën në këtë komunë, pas reshjeve të dendura të shiut.
Ai u shpreh se situata aktualisht është e menaxhueshme.
Muhaxheri gjithashtu bëri të ditur se ekipet e tyre janë në gjendje gatishmërie.
“Reshjet e mëdha atmosferike nga nata e mbrëmshme shkaktuan vërshime në disa zona të qytetit të Pejës. Megjithatë, situata aktualisht është e menaxhueshme dhe ekipet tona janë në gjendje gatishmërie”, thuhet në postimin e tij.
