Eskobar: Qeveria e Maqedonisë së Veriut është një partner i mirë në zbatimin e agjendës së integrimit evropian të vendit

Maqedonia e Veriut ka bërë të gjitha reformat e nevojshme për të hapur derën e parë të BE-së, nd;rsa Qeveria ka kapacitete të bëjë...

Borell ftoi sërish në takim Kurtin dhe Vuçiqin

Kosova dhe Serbia mbrëmë arritën marrëveshje parimore për të dalë nga kriza dhe tani BE-ja po i fton sërish liderët që të cementojnë procesin.

Siç njoftoi Shërbimi Europian për Punë të Jashtme mbrëmë, Prishtina dhe Beogradi në nivelin e negociatorëve kryesorë arritën të shmangin përshkallëzimin e problemeve me targat dhe të kthejnë fokusin e dialogut nën udhëheqjen e BE-së dhe kreut të diplomacisë së BE-së, Josep Borrell.

Serbia pranoi të mos lëshojë targa KM për serbët në Kosovë dhe Prishtina premtoi se nuk do t’i ndëshkojë qytetarët që veçmë kanë targa të tilla.

Por, ky është vetëm fillimi i një rikthimi në tryezën e bisedimeve.

Zëdhënësi për Punë të Jashtme, Peter Stano, tha sot në konferencën e rregullt për media në Komisionin Evropian se presidenti serb, Aleksandar Vuçiq dhe kryeministri i Kosovës, Albin Kurti, janë ftuar në një takim të ri.

“Pas marrëveshjes së djeshme, me rëndësi është të vazhdohet. Përfaqësuesi i Lartë, Borrell ftoi dy liderët në Bruksel që të vazhdojnë punën për normalizimin e marrëdhënieve dhe dialogun. Marrëveshja e djeshme nuk është një marrëveshje përfundimtare, ajo do të na mundësojë të hyjmë në një fazë të re dhe të punojmë për çështjet në mënyrë të qëndrueshme, tha Stano.

BE-ja tani pret përgjigje nga të dyja palët dhe do të informojë nëse dhe kur do të mbahet takimi i radhës me Vuçiqin dhe Kurtin në kuadër të Dialogut për Normalizimin e Marrëdhënieve ndërmjet Beogradit dhe Prishtinës.

Latest Posts

BE i bën presion Serbisë për sanksionet kundër Rusisë

Presioni i Bashkimit Evropian ndaj Serbisë është duke u rritur, për shkak të refuzimit të Beogradit për t’i mbështetur sanksionet ndaj Rusisë, thonë diplomatë evropianë. Nga...

Macron: Perëndimi duhet të shqyrtojë kërkesat e Rusisë për sigurinë, nëse Moska pranon të negociojë

Presidenti francez Emmanuel Macron thotë se Perëndimi duhet të shqyrtojë nevojën e Rusisë për garanci sigurie nëse Presidenti Vladimir Putin pranon të ulet në...