Ish zëdhënësi i Qytetit të Shkupit, Valon Salihu ka lëshuar një kritikë në rrjetet sociale për udhëheqësinë aktuale të komunës së Tetovës të cilët së fundmi “uzurpuan” hapësirat e Qendrës Rinore “Social Cultural Space Tetova”, njofton indeks.mk
Salihu ka thënë se dikur Tetova ka qenë e hapur e mirëpritur studentët dhe rininë nga gjitha trojet shqiptare dhe ka qenë shpresa e rinisë.
Shton se me veprimet e fundit të udhëheqësisë së komunës, rinisë dhe shpresës së tyre i është vendosur çelësi.
“Dikur Tetova konsiderohej si qytet i rinisë, i perspektivës, i universiteteve dhe i progresivitetit. Sot i vihet çelësi edhe shpresës së fundit të rinisë së këtij qyteti. Dikur i hapur për studentët e Shkupit, Prishtinës e Tiranës, sot i mbyllur për vet Tetovarët”, ka shkruar Salihu.
Ky reagim i ish zëdhënësit të Shkupit vjen pasi një nga bashkëpunëtorët më të afërt të Bilall Kasamit, Sedat Sulejmani “uzurpoi” dhe ndryshoi çelësin e objektit t ëish radio Tetovës e cila ka qenë hapsirë që është shfrytëzuar nga Qendra Rinore “Social Cultural Space Tetova”.
