Bllokadat e transportuesve privat në Shkup do të vazhdojnë derisa të ulen me kryetaren Danela Arsovska dhe të gjejnë një zgjidhje të përshtatshme juridike, informoi në konferencën e sotme për media, drejtori i transportuesit privat “Sloboda Prevoz”, Lenin Jovanovski.
Jovanovski bëri të ditur se është i mundur edhe një zgjerim i caktuar i protestave. Ai pret që edhe institucionet tjera të përfshihen për zgjidhjen e këtij problemi.
– Qytetarët nuk mund të na kritikojnë ne, duhet të kritikojnë burimin e këtij problemi, që është kryetarja e komunës që e ka lejuar këtë. Qytetarët nuk duhet të lejojnë të ketë një kryetar të tillë që nuk kujdeset për interesin e tyre, tha Jovanovski.
Ai bëri të ditur se “Sloboda Prevoz” sot ka marrë njoftim për shkëputjen e kontratës me Qytetin e Shkupit, ndërsa i pyetur nga MIA se a ka pasur unanimitet nga ana e transportuesve privat se nuk do të përgjigjen në thirrjen e publikuar, Jovanovski është përgjigjur se asnjëri prej tyre nuk do të paraqitej duke e ditur se qyteti tashmë u kishte borxh para.
– A do të aplikojnë për konkurs këta transportues që tashmë kanë katër muaj borxh dhe do të punojnë dhe financojnë biznesin edhe për katër muaj, që kryetarja të thotë sërish se nuk po i paguan dhe ta padisin. Si mund të ketë një thirrje publike dhe të presë që dikush t’i bashkohet diçkaje për të cilën ajo nuk ka ndërmend të paguajë, tha Jovanovski dhe shtoi se “ajo është rehat në atë pjesë sepse nuk i ndikon financiarisht dhe mund të mos jetë kryetare komune kur zgjidh problemin”.
Ai konkludoi se transportuesit privat po qëndrojnë me vendosmëri në protestë, nëse është e nevojshme do të thërrasin edhe fëmijët e tyre për të arritur te kryetarja e komunës dhe ajo do të shohë që ata nuk u ofrojnë ushqim të mjaftueshëm për në shkollë.
– Qytetarët nuk mund të zemërohen dhe të revoltohen, sepse janë të kërcënuara të drejtat elementare të njeriut, e kjo nga një person i cili për suetë dëshiron t’u dëshmojë qytetarëve se është bërë sundimtare e një mbretërie të caktuar, shtoi Jovanovski.
Pasi nuk u arrit marrëveshje me autoritetet e Qytetit e Shkupit për shlyerjen e borxhit që ai ka ndaj kompanive private, ata nga ora gjashtë e mëngjesit të sotëm kanë protestuar sërish duke bllokuar dy kryqëzimet para QT “Mavrovasja”, përballë Kryqit të Kuq, si dhe ne Blvd. “Ilinden” në rrethinën e Këshillit të Qytetit.
