Tragjiko-komike/ Fernandez do të drejtojë departamentin e Drejtësisë pranë Lëvizjes BESA

Fatmir Sabriu nga Tetova do të jetë Drejtor i Departamenti të Drejtësisë pranë Lëvizjes BESA, kështu bëjnë me dije nga kjo parti.
Ai u lind më 02 Shtator 1992 në Gostivar. Shkollën fillore e kreu pranë Shkollës Fillore “Sami Frashëri” në fshatin Pirok, Komuna e Bogovinës.
Paralelisht me shkollën fillore ndoqi dhe kreu me sukses shkollën e muzikës pranë shkollës së muzikës “Todor Skallovski – Tetoec” në Tetovë. Arsimin e mesëm e kreu pranë gjimnazit të Tetovës “Kiril Pejçinoviq”.
Nga viti 2011 filloi studimet në fakulteti Juridik pranë Universitetit të Europës Juglindore të cilat i përfundoi në vitin 2014 me notë mesatare 9.80 dhe fitoi titullin akademik I diplomuar në Drejtësi.
Gjatë studimeve me rastin e manifestimit të vitit të ri Islam Hixhri 1435 nga Forumi Rinor Islam i’u nda lëvdatë si student më i mirë i Fakultetit Juridik pranë Universitetit të Europës Juglindore.
Tragjike në këtë fakt është serioziteti i prezantimit të tij në rrjetet sociale të cilat tashmë zënë pjesën më të madhe të promovimit të figurave në secilën sferë të mundëshme.
Këtu Fatmiri stonon sepse ndryshe mund ta njohim edhe si Fati Fernandez, që është sa komike aq edhe qesharake.