Policia raporton për një vdekje të dyshimtë në fshatin Kçiq të Mitrovicës.
Një vdekje e dyshimtë është raportuar në fshatin Kçiq të Mitrovicës, afër lumit Sitnica.
Lajmin e ka konfirmuar Avni Zahiti, zëdhënës i Policisë së Kosovës për rajonin e Mitrovicës.
“Rreth orës 16:50, është raportuar se në fshatin Kçiq të Mitrovicës, afër lumit Sitnica, është gjetë pa shenja jete një person i moshës madhore”.
“Hetuesit policorë me autorizim të prokurorit kanë nisur hetimet për identifikimin e viktimës dhe zbardhjen e rrethanave të rastit”.
“Me urdhër të prokurorit trupi i pa jetë i viktimës dërgohet për obduksion”, ka deklaruar ai.
