Afrim Gashi rikthehet në përqafim të Mickoskit dhe VMRO DPMNE

Lideri i VMRO-DPMNE-së, Hristijan Mickoski dhe ai i Alternativës, Afrim Gashi janë parë mbrëmjen e sotme në Kuvend. Gjatë daljes nga Kuvendi, kreu i...

Britania kërkon mbështetje në PACE për anëtarësimin e Kosovës në KiE


Asambleja Parlamentare e Këshillit të BE-së (PACE), në seancën e sotme, ka diskutuar për raportet mes Kosovës dhe Serbisë.

Përfaqësuesi britanik, John Howell, tha se e ka thirrur këtë debat për shkak se Këshilli i Evropës duhet të jetë e informuar mbi tensionet në Evropë.

“Muajve të fundit ka tensione në Kosovë e Serbi. Na duhet shumë të jemi para lojës, dhe e pamë me rastin e Rusisë dhe Ukrainës që nuk ishim para lojës. Një nga gjërat që duhen shikuar në këtë debat është roli i Putinit në Kosovë dhe Serbi. Dhe arsyeja pse duhet ta shikojmë është për të parë nëse tensionet që po ngrihen në Serbi dhe Kosovë janë si pasojë e planit të tij për ta zhvendosur tensionin përtej Ukrainës. Nëse është kështu, duhet të veprojmë”, raporton Klankosova.

“Në 2013 u nënshkrua një marrëveshje që u nënshkrua nga Serbia që thoshte se Kosova duhet të jetë në gjendje të ndjek çdo marrëveshje që dëshiron, qoftë BE-ja ose më e rëndësishmja, anëtarësimi në Këshillin e Evropës. Por, historia s’na lejon të shohim me favorizime në këtë. Unë dhe qeveria ime kemi qenë shumë mbështetës të pozicionit të Kosovës në organ, së pari për të pasur ulësen këtu dhe të marrin pjesë në debate, dhe shpresoj të marrin anëtarësimin e plotë. Britania është e vendosur që Këshilli duhet të lejojë avancimin e aplikacionit të Kosovës. Kosova duhet të bëjë të gjitha përpjekjet për të vazhduar që t’i arrijë parimet e Këshillit të Evropës, përfshirë përafrimin e legjislacionit të saj edhe më tej me provizionet e Konventës së Stambollit dhe të zbatojë vendimet e Gjykatës Kushtetuese për tokën e Manastirit si dhe të kalojë Kodin e ri Civil për martesat. E kuptoj se vendimi për të parë anëtarësimin e Kosovës në këtë Këshill është zhvendosur sërish si rezultat i aktiviteteve të disa vendeve, dhe kjo ka ndodhur sepse është lidhur me dialogun që po zhvillohet me BE0në. Mendoj se duhet të ikim nga ai dialog sa më shumë. Duhet të tregojmë se KiE është i ndarë nga BE-ja, dhe ka vlerat e veta dhe parimet e veta kundër së cilave mund të gjykohet. Ne mirëpresim aplikimin si shenjë e përkushtimit të Kosovës ndaj të drejtave të njeriut dhe vlerave evropiane. Britania inkurajon tjerët të mbështesin aplikimin dhe ka qëndrimin se nuk duhet të mbahet peng i dialogut të drejtuar nga BE-ja”.

Ai përmendi edhe grupin WAGNER që tha se po tenton të rekrutojë mercenarë në Serbi.

“Raporti i BBC-së tha se presidenti i Serbisë ka kundërshtuar Wagnerin dhe ky ka qenë moment ky për të nëse Serbia do të shkojë kah perëndimi apo të vazhdojë kah Lindja, ose kah Rusia. Pra, nëse vazhdon kah Rusia, dhe nëse vazhdon të ketë qasje kundër Kosovës për t’u bërë anëtare, duhet të sqarojë se përse i ka ndërmarrë këto veprime në KS të OKB-së”, deklaroi Howell, ndërsa përmendi edhe herët kur Serbia ka votuar në linjë me Rusinë për rezoluta të ndryshme në KS të OKB-së.

“Tensionet në Serbi dhe Kosovë janë ngritur muajve të fundit në veri të Kosovës, të lidhura fillimisht me kërkesën e Kosovës që serbët të përdorin letërnjoftime dhe targa të Kosovës. Tensionet u ndezën në nëntor dhe dhjetor pas largimit të orkestruar të serbëve nga institucionet e Kosovës dhe ngritjes së barrikadave. Ky tension është ulur. Dhe është mirë sepse tensionet s’i konvenojnë askujt. Dhe në dialogun e BE-së mes Kosovës dhe Serbisë për normalizim të raporteve, druaj se janë në një fazë të prolonguar. Nuk është arritur progres real pas marrëveshjeve të përkohshme në Bruksel dhe perspektiva është komplikuar me ndryshime të shpeshta të qeverive”, potencoi britaniku.

Latest Posts

Shtëpia e Bardhë: Balona kineze përgjimi kanë fluturuar mbi pesë kontinente

Në të shkuarën katër balona spiune kineze kanë fluturuar mbi Shtetet e Bashkuara mbi vendndodhje që konsideroheshin “me interes për kinezët”, tha Pentagoni të...

Pas vizitës në Londër/ Zelensky mbërrin në Paris. Darkë pune me Macron e Scholz

Presidenti francez Emmanuel Macron ka mirëpritur mbrëmjen e kësaj të mërkure, presidentin ukrainas Volodymir Zelensky dhe kancelarin gjerman Olaf Scholz, për një darkë...