Qeveria gjermane dëshiron të vazhdojë bashkëpunimin e saj të ngushtë me udhëheqjen e re italiane nën kryeministren e djathtë Giorgia Meloni, deklaroi kancelari gjerman Olaf Scholz.
”Të dy vendet kanë lidhje të ngushta politike, ekonomike dhe kulturore”, tha ai pas vizitës inauguruese të Melonit në Gjermani.
Italia është një “tokë e dëshirës” për shumë gjermanë. Të dyja qeveritë janë të vendosura për të vazhduar bashkëpunimin e tyre të ngushtë”, shtoi Scholz.
Scholz nënvizoi unitetin që bashkon të dy vendet në mbështetjen e tyre për Ukrainën kundër pushtimit të Moskës.
Scholz tha gjithashtu se po punohej për një plan që ai ra dakord me paraardhësin e Melonit, Mario Draghi gjatë një vizite në Romë në dhjetor 2021, që synonte rritjen e bashkëpunimit midis dy kombeve.
