Dita e Plisit nën përkujdesin e Zëvendëskryeministrit të parë, në Shkup bashkon shqiptarët në një sofër!

Ansambli Nacional i këngëve e valleve popullore shqiptare në kuadër të programit artistik dhe hapjes së vitit kalendarik 2023 iu fton në evenimentin tradicional “Dita e plisit” do të sjellë koncert solemn me këngët e vallet më të bukura të trevave tona! Kjo ngjarje sjellë premierë absolute vallen e Bareshës! Për të gjithë spektatorët rikthehet vallja e Shotës në versionin e saj origjinal. Kësaj ngjarje ia shton ekskluzivitetin pjesëmarrja e mysafirëve special, Ansamblit unik folklorik “Drenica”.
Kjo ngjarje që gërsheton të kaluarën dhe të sotmen mbahet nën përkujdesjen e Ministrisë për Sistem politik dhe Marëdhënie në mes bashkësive dhe mbështetet nga Ministria e Kulturës! Ju ftojmë të bëheni pjesë e këtij evenimenti të madh që mbahet me 17 shkurt në ora 14:00 në Teatrin Shqiptar në Shkup! Sponsor medial Televizioni i Maqedonisë, programi në shqipe dhe Televizioni shqiptar! Bëhuni pjesë e kësaj ngjarje të rrallë kulturore për të shënuar së bashku ngjarjen më të rrallë në vend “Dita e plisit”.