Kica-Xhelili: Nga sot, Kurti përgjegjës për çdo ditë që Albulena Haxhiu kalon në ministri.
Pas Kryetares së Forumit të Gruas të LDK-së, Jehona Lushaku-Sadriu, ka reaguar edhe deputetja e kësaj partie, Dorasa Kica-Xhelili, mbi deklaratat e sotme të ministres së Drejtësisë, Albulena Haxhiut.
Kica-Xhelili ka thënë se Haxhiu i ka thënë “dorëzohu” prokurorit të rastit të saj, në mënyrën më brutale dhe banale të mundshme.
Sipas saj, LVV nuk do drejtësi, por do dorëzim.
“Kryeministri Kurti nga sot ka përgjegjësi absolute të jap llogari për çdo ditë shtesë që Albulena Haxhiu e kalon në Ministri të Drejtësisë” ka thënë mes tjerash Kica-Xhelili.
