Një tjetër tërmet i fortë u regjistrua mbrëmjen e kësaj të shtune në Turqi, vend që është ende duke vuajtur pasojat e tmerrshme të tërmetit shkaterrimtar të datës 6 shkurt.
Lëkundja e re, e regjistruar në orën 21.31 me orën lokale (20.31 në Shqiperi), u identifikua nga Instituti Kombëtar i Gjeofizikës dhe Vullkanologjisë në zonën qendrore të vendit, në rajonin e Malatya, me magnitudë 5.0 ballë.
Bëhet fjalë për një zonë që u përfshi në territorin e termetit apokaliptik të 6 shkurtit, ndonëse pasojat në Malatya ishin më të vogla sesa në Kahramanmaras, Hatya dhe Adana.
Nga tërmeti i 6 shkurtit kanë humbur jetën deri tani mbi 40 mijë njerez në Turqi dhe mbi 5 mijë në Siri.
