Ademi: Iniciativa për ndryshimet kushtetuese, të parashtrohet sa më shpejtë

Na pret një rrugë e rëndësishme, hapja e klasterëve dhe mbajtja e konferencës së dytë ndërqeveritare, për këtë duhet që sa më shpejtë të parashtrohet iniciativa për ndryshimet kushtetuese, tha Arbër Ademi, deputet i BDI-së në ClickPlus në TV21.

“Kalimi i ASH-së nga opozita në pushtet ishte mbështetje. Prandaj nuk është çështje nëse me këtë qeveri apo parapraken afrohemi apo largohemi nga numrat e nevojshëm për ndryshimet kushtetuese. Për ndryshimet kushtetuese, mendoj se sa më shpejtë duhet ta parashtrojmë iniciativën. Për këtë duhet të mendojnë dhe reflektojnë edhe nga VMRO-DPMNE-ja si parti politike serioze”, tha Ademi.