Në Maqedoninë e Veriut ka hyrë në fuqi Dekreti për uniformat e policisë, të cilin Qeveria e miratoi para një viti në bazë të Ligjit për përdorimin e gjuhëve.
Kjo do të thotë se uniformat e policisë do të jenë edhe në gjuhën shqipe, edhe atë në kryeqytet (Shkup) dhe në komunat ku së paku 20 përqind e popullsisë janë të përkatësisë shqiptare, kështu njofton edhe zëvendës kryeministri i parë Artan Grubi, përmes një postimi në rrjetet sociale.
Ndryshe, futja e shqipes në përdorim në uniforma ishte njëra prej çështjeve më të diskutuara gjatë debateve për ndryshimet në ligj, të cilat u rrumbullakësuan në vitin 2019.
Gjatë debatit në Kuvend pati edhe përplasje të tensionuara në mes partive politike.
Ndërkohë janë shpërndarë fotografi të uniformave të reja të Policisë, të cilat përveç në gjuhën maqedonase, do të jenë edhe në shqip dhe anglisht.
https://facebook.com/100044385821029/posts/pfbid0GMBkizBiDZQ9bKCo3LntFP9TUNXXSZ3dWbKDBeUxsQgbAiAYNnQdK5ivYvpbHbYql/
