Kërcet arma në Kavajë/ Humbin jetën dy persona (EMRAT)

Dy persona kanë humbur jetën në Kavajë pas përplasjes me njëri-tjetrin në ambientet e një lokali.

 

Edmond Gosa nga Kavaja ka qëlluar me armë zjarri ndërsa Altin Rexha nga Kukësi që ka qëlluar me thikë, të dy të moshës 43-vjeç.

 

Sipas bluve ata kanë ndërruar jetë në spital.

 

Ndërkohë policia ndodhet në vendngjarje dhe po punohet për zbardhjen e plotë të ngjarjes dhe vënien e autorëve para drejtësisë.

 

Kavajë/Informacion paraprak

 

Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.

 

Si pasojë e plagëve të marra të dy shtetasit e përfshirë në konflikt, kanë ndërruar jetë në spital.

 

Grupi hetimor ndodhet në vendngjarje dhe po punon për sqarimin e rrethanave të ngjarjes.

 

Në përfundim të veprimeve paraprake në vendngjarje, do të kemi një informacion vijues.