Ndërron jetë gruaja që ishte aksidentuar tri ditë më parë në Gërdoc të Podujevës


Vdes gruaja që ishte aksidentuar tri ditë më parë në Gërdoc të Podujevës.

Një grua nga fshati Gërdoc i Podujevës ka vdekur të dielën, e cila si pasojë e lëndimeve nga një aksident trafiku tri ditë më parë.

Sipas policisë, i dyshuari derisa ishte duke drejtuar veturën dyshohet se nga pakujdesia ka shkaktuar aksidentin duke goditur një veturë tjetër.

“Me datën e cekur kishte ndodhur aksident trafiku në të cilin ishin përshirë dy vetura. I dyshuari mashkull kosovar derisa ishte duke drejtuar veturën dyshohet se nga pakujdesia ka shkaktuar aksidentin duke goditur veturën tjetër të cilën ishte duke e drejtuar viktima mashkull kosovar. Si pasojë, lëndime kanë pësuar shtatë pasagjerë kosovarë të cilët ishin dërguar për tretman mjekësor”, njofton policia.

“Me datë 21.05.2023 viktima femër kosovare e cila ishte duke u trajtuar në QKUK, dyshohet si pasojë e lëndimeve, ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion. Rasti në proces hetimor”, përfundon njoftimi.