Helmimi me ujë të pijshëm në Bulqizë/ Zbulohet shkaku, procedohet 64-vjeçari

Montimi i një tubi plastik është shkaku i helmimit masiv në fshatin Gjoricë, Bulqizë. Ky tub ishte instaluar nga një 64-vjeçar, gjë e cila ka bërë që ujërat e pijshëm të këtij fshati të përzihen me ujërat e zeza.

 

Kadri Muça është proceduar penalisht, ndërsa akuzohet për veprën penale “Ndotja e ajrit, e ujërave dhe e tokës”.

 

Gjatë fundjavës shumë banorë të këtij fshati dyndën spitalin dhe kishin të njëjtat simptoma, të cilat rezultoi se vinin si pasojë e helmimit nga uji i pijshëm. Pasi kanë marrë ndihmën mjekësore, raportohet se të gjithë banorët janë larguar në banesat e tyre dhe ndodhen në gjendje të mirë shëndetësore.