Edhe kjo e hënë ka nisur me tensione në radhët e opozitës, ku këta të fundit janë përplasur sërish me punonjësit e Gardës së Kuvendit. Këta të fundit kanë kërkuar kontrollin e çdo deputeti, si një masë për mbarëvajtjen e seancës plenare, që do të mbahet këtë të hënë. Ish-kryeministri është shtyrë me Gardën, ndërsa ka ndërhyrë edhe deputeti demokrat, Gazmend Bardhi.
“E keni kthyer këtu në shtet policor”, i drejtohet Bardhi punonjësve të Gardës.
Këtë të hënë pritet një seancë maratonë, pasi do të diskutohet buxheti për vitin 2024. Demokratët pritet të bllokojnë foltoren, si vazhdimi i aksionin të tyre opozitar, ndërsa socialistët duket se i kanë paraprirë duke rritur sigurinë.
