Gjeneralët e lartë të NATO-s kanë bërë të ditur se presidenti rus, Vladimir Putin, mund të kryejë sulme në të gjithë Europën në një luftë kundër Perëndimit. Ata thanë se NATO ka nevojë për tre vjet për t’u përgatitur për një ofensivë ruse, që do të synonte infrastrukturën civile dhe ushtarake në zonat e pasme. Gjermania do të ishte objektivi kryesorë, si një pikë kyçe për linjat e furnizimit të NATO-s.
Gjeneralët thanë se Rusia ka treguar se është e gatshme të përdorë të gjitha mjetet e mundshme, nga sabotazhi dhe lufta kibernetike, deri te raketat dhe dronët. Ata u bënë thirrje vendeve anëtare të NATO-s të ulin barrierat burokratike dhe ligjore që pengojnë bashkëpunimin ushtarak. Ata dhanë shembuj të parashutistëve që nuk mund të përdorin pajisje të huaja, edhe nëse janë të njëjta.
Gjeneralët thanë se NATO duhet të jetë e shpejtë dhe e gatshme për të mbrojtur Europën nga një agresion rus. Ata shtuan se bashkimi i Europës pas pushtimit të Ukrainës nga Rusia, ishte një shenjë e mirë. Por ata theksuan se parandalimi ushtarak ishte thelbësor për të ruajtur paqen. (politiko.mk)
