Lëvizja Vetëvendosje uron Ali Ahmetin për titullin Qytetar Nderi i Prizrenit

Kryetari i BDI-së Ali Ahmeti sot në një ceremoni të organizuar në Këshillin komunal të Prizrenit, është shpallur Qytetar Nderi.

Ahmetin për pranimin e këtij titulli e uruan dhe nga Lëvizja Vetëvendosje, duke e cilësuar si personalitet meritor për jetën politike progresive në Maqedoninë e Veriut dhe stabilitetin në rajon.

“Po e shpallim qytetar nderi një përsonaliteti shumë aktiv dhe meritor për jetën politike për shqiptarët në Maqedoninë e Veriut, z.Ali Ahmeti. Ka merita shumë të mëdha që nga Marrëveshja e Ohrit e deri tek stabiliteti dhe progresi i Maqedonisë së Veriut në këto vitet e fundit, ndaj në emër të grupit të LVV-së dhe në emrin tim personal iu uroj shëndet dhe suksese dhe ua uroj titullin Qytetar Nderi” deklaroi përfaqësuesi nga VV.