Grubi shpreh ngushëllime për familjarët që humbën të dashurit e tyre në aksidentin në Brod të Kroacisë

Zëvendëskryeministri i parë Artan Grubi përmes një statusi në rrjetet sociale ka shprehur ngushëllime të gjithë familjeve të cilët kanë humbur familjarët e tyre në një aksident të linjës së autobusit Frankfurt-Prishtinë që ka ndodhur sot në mëngjes në afërsi të qytetit Brod të Kroacisë.

Grubi me këtë rast apelon për kujdes maksimal në vozitje.

Ja statusi i Grubit:

Bashkëndjej dhimbjen me familjarët që humbën më të dashurit në aksidentin tragjik të linjës Frankfurt-Prishtinë që ndodhi në mëngjesin e sotëm në Brod të Kroacisë dhe shpreh ngushëllimet e mia më të sinqerta.

Të lënduarve që janë shtrirë në spital ju dëshiroj shërim të shpejtë falë intervenimit të autoriteteve kroate.

Ju lutem shumë që të keni kujdes maksimal në vozitje.