Kur do të bëhet i mundshëm udhëtimi jashtë vendit?

Me 19 maj, Austria do të hap sektorin e gastronomisë, turizmit, aktivitet sportive dhe eventet kulturore. Sot (e martë) qeveria austriake ka prezantuar planin e saj të cilën e ka ndarë në tre faza. Kjo nënkupton se me pajisjen e pasaportës së gjelbër do të bëhet e mundshme çdo lëvizje, raporton heute.at, përcjell albinfo.at

Faza e parë do të filloj nga 19 maj. Dëshmitë e provave nga personat e testuar, vaksinuar apo të shëruar do të vazhdojnë të pranohen në secilin sektorë.  Zbatimi digjital është në aktivitet të plotë, megjithatë, “Pasaporta e gjelbër” do të përdoret në fazën e dytë që do të fillon nga qershori. Në fazën 3,  do të bëhet një zgjidhje e përbashkët evropiane më të cilën do të lehtësohen edhe mundësitë për udhëtimet ndërkufitare.

Për ministrin e ri të Shëndetësisë, Wolfgang Mückstein, “Pasaporta e gjelbër” do të dëshmoj personat e vaksinuar, shëruar apo të testuar, dhe më këtë dëshmi mund të rikthemi sërish në kinema, restorante apo palestër sportive. “Nga korriku do të jemi në gjendje të udhëtojmë përsëri dhe lirshëm jashtë shtetit”, ka premtuar ministri Mückstein.