Limaj: Nisma do t’i ketë kandidatët më të mirë për deputetë

Kryetari i Nismës Socialdemokrate, Fatmir Limaj në takim me strukturat e kësaj partie në Suharekë, ka theksuar se Nisma së bashku me partnerët e saj, do t’i ketë kandidatët më të mirë për deputetë të Kuvendit të Kosovës.

Takim pune me strukturat drejtuese të Nismës në Suharekë. Edhe kjo degë është mobilizuar dhe e gatshme për të kontribuuar për të arritur një fitore të madhe të koalicionit tonë në zgjedhjet e 6 tetorit.

Strukturat e degës në Suharekë i ftova që ta zhvillojnë një fushatë të qetë dhe efikase duke e kthyer fushatën në festë.

Dega e Nismës në këtë qytet shquhet për punë të përbashkët ekipore dhe me frymë e energji pozitive dhe këtë frymë, i ftova që ta promovojnë edhe më tutje. Nisma Socialdemokrate siguron qytetarët e Kosovës që së bashku me partnerët e saj do t’i ketë kandidatët më të mirë për deputetë të Kuvendit të Kosovës.